"Ювентус" "Наполи"нинг ўнг қанот ҳимоячиси Жованни ди Лоренцони ўз сафига жалб қилмоқчи. 30 ёшли футболчининг агенти яқинда "Наполи"ни тарк этишга тайёрлигини маълум қилди.
Кейинчалик клуб бу маълумотни расмий баёнот билан рад этди, аммо журналист Николо Ширанинг сўзларига кўра, адзуррилар сардори ҳали ҳам кетиши мумкин. Манбага кўра, Ди Лоренцо "Ювентус" билан музокаралар олиб бормоқда. "Бянконерилар" 2028 йилгача мўлжалланган шартнома таклиф қилишган.
"Наполи"нинг янги бош мураббийи Антонио Конте футболчини жуда қадрлайди ва ундан қолишини сўрайди. Жованни ди Лоренцо 2019 йилда "Эмполи"дан келганидан бери Неапол жамоасида 231 та ўйин ўтказди.
