Харри Кейн 2023/24 йилги мавсум якунида "Олтин бутса"ни қўлга киритди.
Бу ҳақда А Серия доирасидаги “Аталанта” – “Фиорентина” учрашуви (2:3) тугаганидан кейин маълум бўлди. Ўйин охиригача жамоа футболчилари англияликни ортда қолдириш учун назарий имкониятни сақлаб қолишганди.
"Бавария" форварди Бундеслигада 36 та гол урди ва 72 очко тўплади (36 гол иккига кўпайтирилди - турнир коеффициенти).
Иккинчи ўринда “Штутгарт” ҳужумчиси Серу Гирасси 28 гол ва 56 очко билан жой олди. Учинчи ўринни Килиан Мбаппе ва Эрлинг Холанд (27 гол ва 54 очко) бўлишди, кейинги ўринларни Лои Опенда, Лаутаро Мартинес ва Артем Довбик (24 гол, 48 очко) эгаллади.
