Якшанба куни Францияда маҳаллий вақт билан тушга яқин "Метц" ва "Сент-Этьен" ўртасидаги Лига 1нинг иккинчи плей-офф ўйини олдидан Метц шаҳридаги вокзалда 150 га яқин мухлис муштлашди.
Полиция йиғилганларни тарқатиш учун кўздан ёш оқизувчи газ ишлатган, бунинг натижасида баъзи мухлислар автотураргоҳга паноҳ топишган.
Воқеа жойида тутунли бомба ва шиша парчалари қолган. Мозел префектураси етти киши ҳибсга олингани ҳақида хабар берди.
Учрашув давом этар экан, "Сент-Этьен" ультралари ўз трибуналаридан "Метц" мухлисларига тутунли бомбалар улоқтиришди. "Метц"нинг Лига 2 га тушиб кетганини тасдиқлаган финал ҳуштаги янграганидан сўнг стадионда яна тартибсизликлар бошланди. Мухлисларнинг бир қисмини олиб чиқиш ва тартибни тиклаш учун полиция аралашувига тўғри келди.
Биринчи ўйин 2:1 ҳисобида "Сент-Этьен"нинг ғалабаси билан якунланган.
Жавоб ўйинида "Метц" асосий вақтда 2:1 ҳисобида олдинда бўлган бўлса, "Сент-Этьен" қўшимча бўлимда гол урди ва бунинг эвазига Лига 1 йўлланмасини қўлга киритди.
