Эрик тен Хаг "Манчестер Юнайтед"нинг келажаги бўйича якуний қарорини шу ҳафта охиригача билишни истамоқда. Бу ҳақда Sky Sports хабар бермоқда.

Аввалроқ, матбуотда "Манчестер Юнайтед" раҳбарлари тен Хаг бўйича қарор қабул қилишда нидерландияликнинг май ойи охирида нафақат Англия кубоги ютганини, балки икки мавсумдаги ишини ҳам ҳисобга олишлари ҳақида маълумотлар пайдо бўлганди.

Шунингдек, Европанинг баъзи клубларидан тен Хагга қизиқиш бўлаётгани ҳақида хабарлар тарқалди. Шу билан бирга, мутахассиснинг ўзи, албатта, "Олд Траффорд"даги келажагига ойдинлик киритилмагунча, бошқа клублар билан музокара олиб бора олмайди.