Erik ten Xag "Manchester Yunayted"ning kelajagi bo‘yicha yakuniy qarorini shu hafta oxirigacha bilishni istamoqda. Bu haqda Sky Sports xabar bermoqda.

Avvalroq, matbuotda "Manchester Yunayted" rahbarlari ten Xag bo‘yicha qaror qabul qilishda niderlandiyalikning may oyi oxirida nafaqat Angliya kubogi yutganini, balki ikki mavsumdagi ishini ham hisobga olishlari haqida ma’lumotlar paydo bo‘lgandi.

Shuningdek, Yevropaning ba’zi klublaridan ten Xagga qiziqish bo‘layotgani haqida xabarlar tarqaldi. Shu bilan birga, mutaxassisning o‘zi, albatta, "Old Trafford"dagi kelajagiga oydinlik kiritilmaguncha, boshqa klublar bilan muzokara olib bora olmaydi.