Шанба куни Мадриднинг “Реал” клуби Чемпионлар лигаси финалида Дортмунднинг “Боруссия” жамоасини 2:0 ҳисобида мағлуб этди.
Андрей Лунин жамоа билан Лондонга грипп туфайли учмади, бироқ кейинроқ боришга қарор қилди. Украиналик футболчи кубок учун ҳал қилувчи жангда майдонга тушмади, бироқ Лунин Чемпионлар лигасининг олдинги ўйинларида жуда кўп фойдали ишларни амалга оширди.
Парвоз вақтида Лунин учаётган самолёт командири карнай орқали барчанинг эътиборини тортди. "Бизнинг бортимизда махсус йўловчи бор - Андрей Лунин.
Айнан унинг шарофати билан "Реал" финалга чиқди, шунинг учун Мадрид клуби кимга ёқса, Лунинни олқишлашларини сўрайман", - деди командир.
