"Аталанта" ярим ҳимоячиси Тён Копмейнерс "Ювентус"га ўтишга яқин турибди.

Куни кеча Италия ОАВлари нидерландиялик ва Турин клуби ўртасида келишувга эришилгани ҳақида хабар тарқатди. Инсайдер Фабрицио Романо ўзининг янгиланган ҳисоботида маълум қилишича, 26 ёшли футболчи "кекса синьора"нинг ярим ҳимоядаги асосий мақсади бўлиб қолмоқда. Копмейнерс "Ювентус"га ўтишни истайди ва "Аталанта"га рухсат беришини кутмоқда.

Бергамо клуби гигантлар орасида ярим ҳимоячига давогарлар борлигини тан олди: "Агар Копмейнерсни бир нечта топ-клублар ёқтирса ажабмас, биз унинг келажагини тез орада кўриб чиқамиз", - дея Романо "Аталанта" президенти Антонио Перкассининг сўзларини келтиради.