"Бавария" ҳужумчиси Харри Кейн Англия терма жамоасидаги жамоадоши Коул Палмернинг ўйини ҳақида гапирди. “Челси” ярим ҳимоячиси Англия терма жамоаси сафидаги илк голини ўртоқлик учрашувида Босния ва Герцеговинага қарши ўйинда киритди.
Ўтган клуб мавсумида 22 ёшли футболчи Премьер-лиганинг асосий кашфиётларидан бирига айланди. У 22 та гол урди ва тўпурарлар пойгасида фақат Эрлинг Холандга ютқазди.
"Коулни "Челси"даги биринчи мавсумида эришган ютуқлари учун ҳурмат қилиш керак. Бугун унинг голидан хурсандман. Бизга гол уриш учун барча футболчиларимиз керак", - деди Кейн.
