“РБ Лейпциг” ҳужумчиси Бенямин Шешко бир қатор топ-клубларнинг қизиқишлари орасида.
Журналист Бен Жейкобснинг хабарига кўра, словениялик футболчига "ПСЖ" ҳамда Англиянинг учта топ-клуби - "Арсенал", "Челси" ва "Манчестер Юнайтед" қизиқиш билдирмоқда.
Манбанинг хабар беришича, футболчига “РБ Лейпциг”дан янги шартнома бўйича таклиф аллақачон тушган.
Бундеслигадаги дебют мавсумида 21 ёшли ҳужумчи 14 та гол ва 2 та голли узатмани амалга оширди.
Миш-мишларга кўра, Шешконинг "РБ Лейпциг" билан амалдаги шартномасида товон пули тахминан 60 миллион еврони ташкил қилади.
