"Ювентус" ёзда "Монца" дарвозабони Мишель Ди Грегориони ўзининг биринчи трансфери сифатида эълон қилиш арафасида.
26 ёшли футболчи ўтган мавсумда клуби сафида А Серияда 33 та ўйинда майдонга тушиб, 14 та баҳсни "қуруқ" ўтказди ва 35 та гол ўтказиб юборган.
Италиялик футбол журналисти Жанлука Ди Марционинг ёзишича, "Ювентус" ва "Монца" аллақачон тўлиқ келишувга эришган. Ушбу трансфер “кекса синёра”га 20 миллион еврога тушади.
Икки клуб ҳатто барча керакли ҳужжатларни алмашишди. Шундай қилиб, Ди Грегорио ёзда "Ювентус"нинг биринчи харидига айланади.
