Каталония клуби президенти Жоан Лапорта ўтган мавсум ҳақида гапирди.
“Мавсум давомида кўплаб футболчиларимиз жароҳатлар олди. Бальде, де Йонг, Педри, Араухо ва Гави жуда кўп вақтни ўтказиб юборишди. Шунингдек, ҳакамларнинг қарорлари ҳам “Барселона” фойдасига эмас эди. Негрейра иши билан клубимизни обрўсизлантириш учун фаол кампания олиб борилди. Шу сабабли кўплаб стадионларда бизга ёмон муносабатда бўлишди. Аммо ҳакамларнинг қарорлари бизга энг кўп зарар келтирди", - деди каталонияликлар раҳбари.
Испания чемпионатининг сўнгги мавсумида каталонияликлар иккинчи ўринни эгаллади. Янги мавсумда жамоани Ханс-Дитер Флик бошқаради.
