Kataloniya klubi prezidenti Joan Laporta o‘tgan mavsum haqida gapirdi.
“Mavsum davomida ko‘plab futbolchilarimiz jarohatlar oldi. Balde, de Yong, Pedri, Arauxo va Gavi juda ko‘p vaqtni o‘tkazib yuborishdi. Shuningdek, hakamlarning qarorlari ham “Barselona” foydasiga emas edi. Negreyra ishi bilan klubimizni obro‘sizlantirish uchun faol kampaniya olib borildi. Shu sababli ko‘plab stadionlarda bizga yomon munosabatda bo‘lishdi. Ammo hakamlarning qarorlari bizga eng ko‘p zarar keltirdi", - dedi kataloniyaliklar rahbari.
Ispaniya chempionatining so‘nggi mavsumida kataloniyaliklar ikkinchi o‘rinni egalladi. Yangi mavsumda jamoani Xans-Diter Flik boshqaradi.
