Ўзбекистон миллий терма жамоаси ҳамда ЦСКА клуби футболчиси Аббосбек Файзуллаевнинг нархи 1 миллион еврога қимматлади. Transfermarkt портали маълумотларига кўра футболчи ҳозирда 6 млн еврога баҳоланмоқда. Унинг аввалги қиймати 5 млн евро сифатида қайд этилган эди.

Ушбу натижа билан футболчи Ўзбекистоннинг энг қиммат футболчи сифатида қайд этилди. Трансфер ҳуқуқи “Рома”га тегишли бўлган Элдор Шомуродовнинг нархи 5 миллион еврога баҳоланган ва у ҳозирда ўзбек футболчилари ичида иккинчи ўринда қайд этилди.

Ўзбекистон терма жамоаси ҳамда “Ланс” ҳимоячиси Абдуқодир Ҳусановнинг нархи ҳам кўтарилди. Футболчининг нархи 2,5 миллион еврога етган. Бу унинг аввалги нархидан 500 мингга қимматроқ.

Ҳусанов ҳозирда Ўзбекистон футболчилари ўртасида энг қиммат тўртинчи футболчига айланди. Туркия клубида ўйнаётган Отабек Шукуровнинг нархи 2,5 миллион евродан 2,2 миллион еврога камайган. Футболчи қиймати бўйича бешинчи ўринда бормоқда. “Шабоб ал-Аҳли” футболчиси Азиз Ғаниев ҳам 500 минг еврога арзонлаган. Портал футболчини 3 миллион еврога баҳолаган.

Жалолиддин Машариповнинг қиймати 1,5 миллион еврога баҳоланган бўлса, Игор Сергеев, Одилжон Ҳамробеков ва Ҳусниддин Алиқуловлар 1,2 млн евро сифатида қайд этилган. Ўзбекистоннинг энг қиммат футболчилар 10 лигини Остон Ўрунов 1 млн евролик нарх билан якунлаб берган. 

Маълумот учун, Аббосбек Файзулаев 2023 йил ЦСКА сафига 500 минг евро эвазига кўчиб ўтган эди.

Аббосбек жорий мавсум ЦСКА таркибида барча мусобақаларда 32 та ўйин ўтказиб, 5 та гол ва 14 та голли узатмага муаллифлик қилди.

Футболчи Россия Премьер Лигасида “Мавсум кашфиёти” соврини эгасига айланди.