Эрлинг Холанд Норвегия терма жамоаси учун гол уриш бўйича рекордга яқинлашди.

«Манчестер Сити» ҳужумчиси Косово термаси билан ўртоқлик учрашувининг 15-дақиқасидаёқ ҳисобни очди. Ҳозирда Холанд Норвегия терма жамоаси сафида 32 та ўйинда 28 та гол урган.

23 ёшли форвардга жамоа тарихидаги энг яхши тўпурар бўлишига 5 та гол етишмаяпти. Ҳозирда Норвегия термаси учун гол уриш бўйича рекорд Йерген Ювега тегишли бўлиб, у 1928 йилдан 1937 йилгача жамоада ўйнаган - у терма жамоа сафида 45 ўйинда 33 та гол урган.