"Манчестер Сити" ярим ҳимоячиси Кевин Де Брюйне Бельгия терма жамоаси сафидаги 100-учрашувини гол билан нишонлади. 32 ёшли футболчининг юбилейи Черногория терма жамоасига қарши ўртоқлик учрашувида бўлиб ўтди.
Учрашув белгияликларнинг ғалабаси билан якунланди (2:0) ва Де Брюйне 44-дақиқада дарвозани ишғол қилиб, биринчи голни урди.
Squawka хабарига кўра, "шаҳарликлар" етакчиси Бельгия терма жамоаси сафида 100та ўйинда 76та голда бевосита иштирок этди. Унинг ҳисобида 27та гол ва 49та голли узатма бор.
Кевин де Брюйненинг терма жамоадаги дебюти 2010 йилнинг августида, футболчи 18 ёшлигида бўлган.
