"Хетафе" "Манчестер Юнайтед"га қайтган Мейсон Гринвуднинг ўрнига футболчи қидирмоқда. Инглиз гранди Испанияда муваффақиятли мавсум ўтказган 22 ёшли футболчининг сафга қайтишини расман эълон қилди.
Goal нашрининг хабар беришича, "Хетафе" Гринвудга ўринбосар сифатида "Реал"га тегишли Арда Гюлерни кўриб чиқмоқда.
Гап 19 ёшли вундеркиндни бир мавсумга ижарага олиш ҳақида кетмоқда. Бироқ, "қироллик клуби" бу келишувга қизиқмаяпти. Карло Анчелотти бўлажак мавсумда туркияликка умид қилмоқда.
Мейсон Гринвуд “Хетафе” сафида 36 та ўйинда майдонга тушиб, 10 та гол ва 6 та голли узатмага муаллифлик қилган. Гюлер "Реал Мадрид" сафида 12 та ўйинда 6 та гол урди.
