Transfermarkt Италия чемпионатининг энг нархи ошган футболчилари рўйхатини эълон қилди.

Нархлар янгиланганидан кейин биринчи ўринни "Аталанта" ҳимоячиси Исак Хин эгаллади, у 37 та ўйин ўтказиб, 1 та голли узатмани амалга оширди. Transfermarkt 25 ёшли футболчини 20 миллион еврога баҳоламоқда (+ 11 миллион евро).

Иккинчи ўринни ҳам "Аталанта" ярим ҳимоячиси Тён Копмейнерс эгаллаб турибди. 2023/2024 йилги мавсумда футболчи майдонда 51 та ўйин ўтказиб, 15 та гол урди ва 1 та голли узатмани амалга оширди. Унинг бозор нархи 10 миллион еврога ошиб, 50 миллион еврога етди.

“Болонья” ҳужумчиси Жошуа Зиркзее учинчи ўринни эгаллади. Нидерландиялик футболчи ўтган мавсумда 37 та ўйинда майдонга тушиб, 12 та гол урди ва 7 та голга ассистентлик қилди. 23 ёшли футболчининг нархи 10 миллион еврога ошган (50 миллион евро).