Transfermarkt Italiya chempionatining eng narxi oshgan futbolchilari ro‘yxatini e’lon qildi.

Narxlar yangilanganidan keyin birinchi o‘rinni "Atalanta" himoyachisi Isak Xin egalladi, u 37 ta o‘yin o‘tkazib, 1 ta golli uzatmani amalga oshirdi. Transfermarkt 25 yoshli futbolchini 20 million yevroga baholamoqda (+ 11 million yevro).

Ikkinchi o‘rinni ham "Atalanta" yarim himoyachisi Tyon Kopmeyners egallab turibdi. 2023/2024 yilgi mavsumda futbolchi maydonda 51 ta o‘yin o‘tkazib, 15 ta gol urdi va 1 ta golli uzatmani amalga oshirdi. Uning bozor narxi 10 million yevroga oshib, 50 million yevroga yetdi.

“Bolonya” hujumchisi Joshua Zirkzee uchinchi o‘rinni egalladi. Niderlandiyalik futbolchi o‘tgan mavsumda 37 ta o‘yinda maydonga tushib, 12 ta gol urdi va 7 ta golga assistentlik qildi. 23 yoshli futbolchining narxi 10 million yevroga oshgan (50 million yevro).