Каталониянинг "Барселона" клубининг янги бош мураббийи Ханс-Дитер Флик клубга "РБ Лейпциг"дан ярим ҳимоячи Дани Ольмони таклиф қилиш вариантини кўриб чиқди.
Sport.es хабарига кўра, немис мутахассиси испанияликни жамоада кўришни истамаяпти. "Барселона"нинг собиқ бош мураббийи Хави Эрнандес Ольмони сотиб олишга ҳаракат қилгани хабар қилинганди. Бироқ, футболчи энди "блауграна" учун трансфер мақсади эмас.
Ольмо тахминан 60 миллион еврога баҳоланмоқда. Аввалроқ ярим ҳимоячи хизматига "ПСЖ" ва "Бавария" каби клублари қизиқиш билдираётганди. 26 ёшли испаниялик сўнгги Бундеслигада 4 та гол урди ва 5 та голли узатмани амалга оширди.
