Украина терма жамоаси дарвозабони Андрей Лунин келаси мавсумда "Реал"да қолишни истамаяпти.

Бу ҳақда Todofichajes портали саҳифаларида хабар берилди. Дарвозабон Дортмунднинг "Боруссия"си билан Чемпионлар лигаси финал учрашувида майдонга тушмаганидан норози.

Шу муносабат билан украиналик футболчи жорий трансфер ойнаси вақтида клубини ўзгартиришга қарор қилди.

Лунин ўзи ўйнашни истаган жамоани танлади. Андрей Мадриднинг яна бир топ-клуби - "Атлетико" сафига қўшилишни истамоқда.

“Матрасчилар” дарвозабонни 25 миллион еврога сотиб олишга тайёр, аммо “Реал” камида 40 миллион олмоқчи.