Шаҳрам Ғиёсов IBF чемпионлик камари учун жанг қилиши мумкин. Таниқли промоутер Эдди Хирн ушбу жангни ташкил қилиш бўйича амалий ҳаракатларни бошлаб юборди.

Яримўрта вазн тоифасида IBF чемпиони Жейрон Эннис (31-0-28 КО) 13 июль куни Филадельфияда Коди Кроулидан камарини ҳимоя қилиши керак эди. Аммо Кодига шифокорлар жанг ўтказиш учун рухсат беришмади. Унинг ноябрь ойида ўнг кўзида амалга оширилган жарроҳлик амалиётидан кейинги тикланиш жараёни ижобий кетмаяпти.

Кроулини алмаштириши бўлган потенциал рақиблар орасида ҳамюртимиз Шаҳрам Ғиёсов (15-0, 9 КО) ҳам бор.