"Челси" вингери Раҳим Стерлинг Туркия чемпионатига ўтиш ниятида эмас.

Инглиз футболчиси Лондон клубини тарк этиши ҳақида турли миш-мишлар чиқмоқда ва "Фенербахче" унга даъвогарлардан бири ҳисобланган. Журналист Бен Жейкобснинг ёзишича, Стерлинг атрофидагилар футболчининг шу ёзда Туркияга кўчиб ўтишга қизиқмаслигини тасдиқлашган. Шунингдек, "Фенербахче" "кўклар" футболчиси билан музокара ўтказмагани қайд этилган.

Рахим Стерлингнинг "Челси" билан шартномаси 2027 йилгача мўлжалланган. Transfermarkt портали "Манчестер Сити"нинг собиқ юлдузининг ҳозирги нархини 35 миллион еврога баҳоламоқда.