"Ювентус" ярим ҳимоячи Адриен Рабьо билан музокараларни давом эттирмоқда.

Турин клуби франциялик футболчини эркин агент сифатида қўйиб юборишни истамаяпти, шу боис унга янги шартнома таклиф қилишди. Томонлар ҳалигача келишувнинг баъзи шартлари бўйича келиша олишмади, бироқ баъзи маълумотларга кўра, 29 ёшли футболчи қолишга яқинлашиб бормоқда. Рабионинг келажакдаги “Ювентус”да қолиши тақдири келаси ҳафтада ҳал бўлади, дея хабар беради журналист Мирко ди Натале. “Кекса синьора” раҳбарияти ҳам, футболчининг ўзи ҳам бу масалани Евро-2024 бошлангунга қадар ҳал қилишни истайди.

Ўтган мавсумда Адриен Рабио "Ювентус" сафида 35 та ўйинда майдонга тушиб, 5 та гол ва 3 та голли узатмага муаллифлик қилган.