"Барселона" бош мураббийи Ханс-Дитер Флик ярим ҳимоячи Френки де Йонгнинг сотилишига қарши.
Каталония клуби нидерландияликнинг 2026 йилда тугайдиган шартномасини маошини камайтириш билан узайтирмоқчи, бироқ футболчининг ўзи ҳали бундай келишувга қизиқмаяпти. "Бавария" ҳамон де Йонгга даъвогарлик қилмоқда, аммо "кўк-анорранглилар"нинг янги мураббийи 27 ёшли ярим ҳимоячини Мюнхенга қўйиб юбормайди, деб хабар беради Sport. Немис мураббийи футболчини келгуси мавсумда асосий роль ўйнашини кўрмоқда.
Transfermarkt портали Френки де Йонгнинг трансфер қийматини 70 миллион еврога баҳоламоқда.
