"Барселона"нинг испаниялик ярим ҳимоячиси Фермин Лопеснинг нархи бир йил ичида сезиларли даражада ошди. 7 июнь, жума куни нуфузли Transfermarkt портали Испания Ла Лигаси футболчиларининг бозор қийматини янгилади.
Шу муносабат билан 21 ёшли Лопес 30 миллион еврони ташкил этган янги нарх олди. Айтиш жоизки, 2023 йилнинг июнида ярим ҳимоячи атиги 300 минг еврога баҳоланган эди.
Шундай қилиб, бир йил ичида унинг қиймати 100 баробар ошди. Ўтган мавсумда Лопес "Барселона"нинг асосий жамоаси сафида 42та ўйинда қатнашиб, 11та гол урди ва битта голли узатмани амалга оширди.
