"Штутгарт" вингери Крис Фюрихга даъвогар фақатгина "Бавария" эмас.

Мюнхен клуби бир неча ойдан бери 26 ёшли футболчига асосий даъвогар сифатида кўрилмоқда. Кўриниб турибдики, Бундеслига гиганти хориж чемпионатлари вакиллари билан рақобатга тўғри келади: Bild хабарига кўра, Лондоннинг "Тоттенхэм"и аллақачон Фюрихни кўзлаган. "Штутгарт" ҳужумчисини "шпорлар" яқинлашиб келаётган трансфер ойнасида "Бавария"дан тортиб олишга ҳаракат қилади.

Transfermarkt портали Крис Фюрихнинг нархини 28 миллион еврога баҳолаган. Сўнгги мавсумда футболчи 38 та ўйинда майдонга тушиб, 9 та гол ва 7 та голли узатмани амалга оширган.