“Манчестер Сити” ярим ҳимоячиси Фил Фоден тез орада маошини оширади.
24 ёшли англиялик ниҳоят ўтган мавсумда "шаҳарликлар" етакчиларидан бири мақомини қўлга киритди ва шундан сўнг у Премьер-лиганинг энг яхши футболчиси деб топилди. Sun Sport нашрининг ёзишича, Фоденнинг маоши Евро-2024'дан кейин ортади - у тарихдаги энг кўп маош олувчи британиялик футболчига айланади. Бундан ташқари, англиялик юлдуз маош бўйича Кевин Де Брюйне ва Эрлинг Холанд билан тенглашади.
Фил Фоден сўнгги мавсумда "Манчестер Сити" сафида 53 ўйинда майдонга тушиб, 27 гол урди ва 12 голга ассистентлик қилди.
