Франция пойтахти Париж шаҳрида икки ҳафта давом этган теннис бўйича "Катта Дубулға" туркумига кирувчи "Ролан Гаррос" турнири кунига етди.
Ҳозиргина эркаклар ўртасидаги яккалик мусобақасининг чемпиони аниқланди. Ҳал қилувчи финал учрашувида дунёнинг учинчи ва тўртинчи рақамли теннисчилари - испаниялик Карлос Алькараз ҳамда германиялик Александр Зверев ўзаро тўқнаш келишди.
Тўрт соату 20 дақиқа давом этган баҳс ғолиби 5 сет натижасига кўра аниқланди. Алькараз 6/3, 2/6, 5/7, 6/1, 6/2 ҳисобларида ғалаба қозониб, "Ролан Гаррос" бош совринини қўлга киритди.
