Италия терма жамоаси мағлубиятсиз сериясини 6 та ўйинга етказди.
Босния ва Герцеговина миллий терма жамоасига қарши ўтказилган ўртоқлик учрашувида Лучано Спалетти шогирдлари 1:0 ҳисобида зафар қучди.
Охирги 6 учрашувда Италия 4 тасида ғалаба қозонган ва икки бор дуранг ўйнаган. Италияликлар сўнгги мағлубиятни ўтган йилнинг октябр ойида қабул қилишган - Евро-2024 саралашида Англиядан (1:3).
15 июнь куни бўлиб ўтадиган навбатдаги ўйинда Италия Европа чемпионати гуруҳ босқичида Албания билан ўйнайди.
