"Барселона" вингери Рафинья Диас ёзда жамоани тарк этиш ниятида эмас.
Бразилиялик футболчи Каталония гранди молиявий аҳволини яхшилаш учун сотиши мумкин бўлган футболчилар қаторига киради. Журналист Тони Хуанмартининг сўзларига кўра, "Барселона" бўлажак трансфер ойнасида Рафинья бўйича таклиф тушса, улар таклифларни кўриб чиқади, бироқ 27 ёшли футболчининг ўзи кетишдан манфаатдор эмас.
Рафинья Диасга Саудия Арабистони клублари қизиқиш билдиришган. Футболчининг нархи Transfermarkt экспертлари томонидан 50 миллион еврога баҳоланган ва унинг "Барселона" билан амалдаги шартномаси 2027 йилнинг ўрталарига қадар тузилган.
