"Бавария"нинг собиқ футболчиси Лотар Маттеус Германия терма жамоаси дарвозабони Мануэль Нойерга тушган танқидлар ҳақида гапирди ва уни ҳимоя қилди. Эслатиб ўтамиз, Нойер Греция терма жамоаси билан сўнгги ўртоқлик ўйинида (2:1) хатога йўл қўйган ва шу туфайли рақиб учрашувда ҳисобни очганди.
"Бу бизга умуман ёрдам бермайди. Нойерни Мадриддаги ёки Грецияга қарши ўйиндаги хатоси учун танқид қилишингиз мумкин, лекин греклар билан ўйинда қилган сейвлари учун ҳам мақташингиз мумкин. Биз немислар салбий воқеаларни кўп кўришга мойилмиз. Мен Нойерни ҳам танқид қилдим, лекин ҳамма нарса меъёрда бўлиши керак.
Агар Европа чемпионатини муваффақиятли ўтказмоқчи бўлсак, биз ҳам эксперт ва журналист сифатида жамоани қўллаб-қувватлашга мажбурмиз. Мен буни бошқа мамлакатлардан биламан. Катта сарлавҳаларга қарамай, жамоа ўйин давомида яна бир бор қўллаб-қувватланади.
Юлиан Нагельсманн 14 йилдан ортиқ вақт давомида бизни илҳомлантирган ва кўплаб муваффақиятларга ҳисса қўшган Нойерни танлади. Ҳаммамиз хато қиламиз. Тамом", - деди Маттеус Sky Sport Germany билан суҳбатда.
