Хавьер Пасторе қатарликлар бошқарувидаги "ПСЖ"нинг дастлабки йиллари ҳақида гапирди.
2011 йилнинг 31 майида Qatar Sports Investments компанияси Париж клубининг 70% улушини сотиб олган эди.
"Қатарликлар ва мен биринчи қадамларимизни биргаликда қўйганмиз. Мен футболчи ва шахс сифатида ўсдим. Мен 21 ёшда келдим ва 29 да кетдим, биз жуда кўп ажойиб ва унчалик ажойиб бўлмаган дақиқаларни бошдан кечирдик, аммо буларнинг барчасидан сабоқ олиш мумкин.
Улар билан яхши муносабатдаман ва эшиклар мен учун очиқ. Ўша пайтларда футболчилар бутсаларини ювишлари керак эди... Бу бутунлай бошқача воқеа эди", - дейди "ПСЖ"нинг собиқ ярим ҳимоячиси.
