Мадриднинг “Реал” клуби ўнг қанот ҳимоячиси Даниэль Карвахал Начо Фернандеснинг жамоани тарк этиши ҳақидаги фикрлари билан ўртоқлашди.

“Лос-Бланкос” сардорининг келажаги ҳали ҳам ҳал этилмаган: 34 ёшли футболчининг шартномаси шу ой охирида тугайди ва у клубнинг ҳамкорликни узайтириш ҳақидаги таклифига ҳозирча жавоб қайтаргани йўқ.

“Начо нима қилишини билмайман. У ҳали ҳам шубҳада, аммо қарор қабул қилиш учун ҳали вақт бор. Умид қиламанки, у қолади, чунки у биз учун муҳим, лекин мен Тонига айтганимдек, у якунда қандай қарор қабул қилмасин, биз уни қўллаб-қувватлаймиз", - деди Карвахаль.