Луис Альберто "Ал Дуҳаил"га ўтганини эълон қилгач, "Лацио" мухлисларига мурожаат қилди. Қатар клуби сешанба куни 31 ёшли испанияликнинг трансферини тасдиқлади. Футболчи деярли саккиз йилни "Лацио" сафида ўтказди.
"Бу севги ҳикояси. Испания қишлоғидан бўлган 23 ёшли оддий йигит Римга келди, ҳатто у бу ерда "сеҳргар" бўлишига шубҳа қилмади. Саккиз йил “Лацио” либосида, саккиз йиллик иштиёқ ва ҳар бир учрашувда, ҳар бир машғулотда тўлиқ фидойилик.
Вақт ўтиши билан шаҳар ва стадион уйга айланди. Ҳар бир севги ҳикоясида бўлгани каби, оғир кунлар, жароҳатлар, мағлубиятлар бўлган, аммо унутилмас дақиқалар ва ғалабалар ҳам бўлган. Ҳаммаси учун раҳмат, “Лацио”. Клубнинг буюк тарихининг бир қисмига айланганимдан хурсандман", - деб ёзди Луис Альберто ижтимоий тармоқларда.
