Мадриднинг "Реал" клуби "Милан"да ўйнаётган Тео Эрнандесни ортга қайтариш имкониятини кўриб чиқмоқда. "Қироллик клуби"нинг узоқ вақтдан бери асосий мақсади яна бир чап қанот ҳимоячиси "Бавария"дан Альфонсо Дэвис эди.
Канадалик футболчининг шартномаси 2025 йилда тугайди. "Қаймоқранглилар" эса бу трансферни арзонлаштирилган нархда ташкил қилмоқчи эди, аммо ҳозир вазият ўзгарди, футболчининг мюнхенликлар билан шартномасини узайтириш эҳтимоли юқори. Sport.es хабарига кўра, агар Дэвис "Бавария"да қолса, "Реал" Эрнандес вариантига ўтади.
Француз 2017 йилдан 2019 йилгача Мадрид гранди шарафини ҳимоя қилган, шундан сўнг у Миланга кўчиб ўтган. Transfermarkt маълумотларига кўра, 26 ёшли футболчининг ҳозирги нархи 60 миллион еврони ташкил қилади.
