Британиялик журналист Пирс Морган "Манчестер Юнайтед" раҳбариятининг нидерландиялик Эрик тен Хагни жамоа бош мураббийлигида олиб қолиш ҳақидаги қарорига изоҳ берди.

“Ажойиб!” деб ёзган журналист ижтимоий тармоқларда бир нечта кулаётган "смайлик"лар қўшган ҳолда.

Тен Хаг 2022 йилнинг ёзидан буён "Манчестер Юнайтед" бош мураббийи ҳисобланади. Англия Премьер-лигасининг сўнгги мавсумида "қизил иблислар" ёмон ўйин кўрсатиб, турнир жадвалида атиги саккизинчи ўринни эгаллашди. Манкунианликлар мамлакат кубогидаги ғалаба билан ҳалокатли мавсумни бироз ёрқинроқ қила олишди.