Дарвозабон Андрей Луниннинг келажаги ноаниқлигича қолмоқда.
El Partidazo de COPE нашрининг хабарига кўра, украиналик футболчи ҳалигача "Реал Мадрид"дан янги шартнома бўйича таклифни қабул қилиш ёки бошқа клубга кетиш ҳақида бир қарорга келмаган.
Лунинга Европа клубларидан, хусусан, “Арсенал”дан яхши таклифлар бор. Аммо 25 ёшли дарвозабоннинг қарорига нафақат бу таъсир қилиши мумкин. Қайд этилишича, Лунин "Реал" бош мураббийи Карло Анчелотти билан анча совуқ муносабатда. Футболчи мураббийда ишончсизлик ҳис қилмоқда, буни Чемпионлар лигаси финали кўрсатди.
Хабарингиз бор, Анчелотти ҳал қилувчи ўйинга Тибо Куртуани майдонга туширди, гарчи Лунин турнир давомида яхши ўйнаган бўлса-да. Луниннинг амалдаги шартномаси 2024/2025 йилги мавсум охиригача амал қилади. "Реал Мадрид" дарвозабонга 2029 йилнинг ўрталарига қадар янги шартнома таклиф қилмоқда.
