Жорий мавсумдаги футзал бўйича Ўзбекистон Кубоги финалида Тошкентнинг «Ардус» ва «Локомотив» жамоалари ўзаро тўқнашади.
Мусобақа ярим финалида «Ардус» «Бунёдкор» жамоасини ишонч билан мағлуб этди – 5:1, «Локомотив» эса, ўз навбатида, Чирчиқнинг «Максам-Чирчиқ» жамоасини 3:1 ҳисобида мағлубиятга учратди.
Қайд этиш жоиз, «Максам-Чирчиқ» – «Локомотив» учрашуви жуда кескин руҳда ўтди ва ҳар иккала жамоа ўйинчилари жуда тажовузкор, баъзи вазиятларда эса, қўпол ҳаракат қилишди. Бунинг натижасида ўйин давомида «Локомотив» ўйинчиси Хуршид Умаралиевга тиббий ёрдам кўрсатишга тўғри келди. Тиббий текширув хулосасига кўра, ўйинчининг жароҳати жиддий бўлиб, Умаралиевнинг пайи узилган.
Ўзбекистон Кубоги финал учрашуви 3 апрель куни Тошкентдаги «Ўзбекистон» спорт мажмуасида ўтказилади. Ўйин 18:00да бошланади.
Қўшимча сифатида, Ўзбекистон Кубоги ярим финал ўйинларигача «Наврўз Кубоги» ярим финал ўйинлари бўлиб ўтди. Ҳаваскор жамоалар иштирокидаги мусобақа финал учрашуви йўлланмасини «ЎзСҚБ» ва «Восток» жамоалари қўлга киритишди. «ЎзСҚБ» ярим финалда «EastRoad»ни 8:0 ҳисобида мағлубиятга учратган бўлса, «Восток» «Ўзтелеком» жамоасини қийинчилик билан таслим этди – 3:2.
Ушбу мусобақа финал учрашуви 3 апрель куни бўлиб ўтади ва у Ўзбекистон Кубоги финал ўйинида икки соат аввал бошланади.
Жорий мавсумдаги футзал бўйича Ўзбекистон Кубоги финалида Тошкентнинг «Ардус» ва «Локомотив» жамоалари ўзаро тўқнашади.
Мусобақа ярим финалида «Ардус» «Бунёдкор» жамоасини ишонч билан мағлуб этди – 5:1, «Локомотив» эса, ўз навбатида, Чирчиқнинг «Максам-Чирчиқ» жамоасини 3:1 ҳисобида мағлубиятга учратди.
Қайд этиш жоиз, «Максам-Чирчиқ» – «Локомотив» учрашуви жуда кескин руҳда ўтди ва ҳар иккала жамоа ўйинчилари жуда тажовузкор, баъзи вазиятларда эса, қўпол ҳаракат қилишди. Бунинг натижасида ўйин давомида «Локомотив» ўйинчиси Хуршид Умаралиевга тиббий ёрдам кўрсатишга тўғри келди. Тиббий текширув хулосасига кўра, ўйинчининг жароҳати жиддий бўлиб, Умаралиевнинг пайи узилган.
Ўзбекистон Кубоги финал учрашуви 3 апрель куни Тошкентдаги «Ўзбекистон» спорт мажмуасида ўтказилади. Ўйин 18:00да бошланади.
Қўшимча сифатида, Ўзбекистон Кубоги ярим финал ўйинларигача «Наврўз Кубоги» ярим финал ўйинлари бўлиб ўтди. Ҳаваскор жамоалар иштирокидаги мусобақа финал учрашуви йўлланмасини «ЎзСҚБ» ва «Восток» жамоалари қўлга киритишди. «ЎзСҚБ» ярим финалда «EastRoad»ни 8:0 ҳисобида мағлубиятга учратган бўлса, «Восток» «Ўзтелеком» жамоасини қийинчилик билан таслим этди – 3:2.
Ушбу мусобақа финал учрашуви 3 апрель куни бўлиб ўтади ва у Ўзбекистон Кубоги финал ўйинида икки соат аввал бошланади.
