"Манчестер Юнайтед" Эрик тен Хагни алмаштирмасликка қарор қилди - нидерландиялик мураббий кейинги мавсумда жамоани бошқаришда давом этади.

Шу билан бирга, “қизил иблислар” якуний қарорни қабул қилишдан аввал олти нафар мутахассис билан музокара олиб боришди. Рўйхат қуйидагича кўриниш олди: Киран Маккенна, Роберто де Дзерби, Томас Франк, Марку Силва, Маурисио Почеттино, Томас Тухель.

Қолаверса, дастлабки босқичларда "Манчестер Юнайтед" Роберто Мартинес ва Рубен Аморимни кўриб чиқди. Аммо бу мутахассислар билан музокаралар олиб борилмади.

Эслатиб ўтамиз, “Манчестер Юнайтед” май ойи охирида Англия кубогини қўлга киритган ва бунинг эвазига Европа лигасига йўлланма олганди.