Бразилиялик ярим ҳимоячи Фелипе Коутиньо "Астон Вилла" клуби билан шартномасини бекор қилишга рози бўлди. Бу ҳақда инсайдер Фабрицио Романо хабар бермоқда.
Бразилиялик футболчи ва "Астон Вилла" ўртасидаги шартнома бу йил якунланиши керак эмас эди, бироқ томонлар шартномани эртароқ бекор қилишга келишиб олдилар. Фелипе учун фаолиятини давом эттириш вариантларидан бири Бразилияга - "Васко да Гама" клубига қайтишдир.
Эслатиб ўтамиз, Фелипе ўтган мавсумни Яқин Шарқда Қатарда, маҳаллий “Ал-Дуҳаил” клубида ўтказди. У клуб сафида 22 та ўйин ўтказиб, 7 та гол урди ва 3 та голли узатмани амалга оширди.
