"Бавария" ва Германия терма жамоаси марказий ҳимоячиси Александр Павлович бўлажак Европа чемпионати-2024'ни ўтказиб юбориши ҳақида фикр билдирди. Футболчи инфекция туфайли терма жамоа сафини тарк этди. Унинг ўрнига Дортмунднинг "Боруссия" клуби ярим ҳимоячиси Эмре Жан чақирилди.

"Айни дамда мен Евро-2024 ўйинини ўтказиш орзуси пучга чиққанидан жуда хафаман. Йигитларга катта муваффақиятлар тилайман. Мен эса кучлироқ бўлиб қайтаман”, — деб ёзди Павлович ижтимоий тармоқларда.

Эслатиб ўтамиз, аввалроқ Павлович инфекцияни юқтириб олгани ва шу сабабли Германия терма жамоасининг Герзогенаурах шаҳридаги базасини тарк этгани ҳақида маълумот пайдо бўлган эди.