Англиянинг "Вулверхэмптон" клуби ёзги трансфер ойнасида марказий ҳимоячиси Макс Килман билан хайрлашишга тайёр. Футболчининг хизматларига Лондоннинг “Вест Хэм” клуби қизиқмоқда. Daily Mail хабарига кўра, "бўрилар" "болғачилар"дан 50 миллион евро товон пули талаб қилмоқда.
27 ёшли Килман бир неча йиллардан бери бошқа клубларнинг эътиборида. Ўз вақтида футболчига "Челси" ва "Манчестер Юнайтед" клублари қизиқиш билдиришган, аммо келишув амалга ошмаган.
Англия Премьер-лигасининг сўнгги мавсумида Килман иккита гол урди. "Вест Хэм" Макс учун керакли миқдорда товон пулини тўлашга тайёрми ёки йўқлиги ҳозирча номалум.
