Бильбаонинг "Атлетик" клуби 34 ёшли ярим ҳимоячи Андер Эррера билан шартномани узайтирганини эълон қилди. Янги шартнома 2025 йилгача мўлжалланган.
Эслатиб ўтамиз, Эррера “Атлетик”да 2023/2024-йилги мавсум бошидан ижара асосида ўйнаган, бироқ қишки трансфер ойнасининг сўнгги куни, 31 январда испаниялик футболчи тўлиқ сотиб олинди. Ўтган мавсумда Андер барча турнирларда 27 та ўйин ўтказиб, 3 та голли узатмани амалга оширган. Transfermarkt портали 34 ёшли испаниялик футболчининг қийматини 2 миллион еврога баҳолаган.
"Атлетик Бильбао" 2023/2024 йилги мавсумни Испания Ла Лигаси турнир жадвалида бешинчи ўринда якунлади.