"Бавария" спорт кенгаши аъзоси Макс Эберль "Штутгарт"дан сотиб олинган ҳимоячи Хироки Итонинг трансфери ҳақида фикр билдирди.
Аввалроқ, 25 ёшли Ито "Бавария" билан 4 йиллик меҳнат шартномасини имзолагани маълум бўлганди.
"Биз Хироки Ито билан шартнома имзолаганимиздан хурсандмиз. Бизга янги энергия олиб келадиган чанқоқ футболчилар керак. Хирокида бизга керак бўлган ҳамма нарса бор", - деди Эберль мюнхенликлар расмий сайтига.
Эберлнинг таъкидлашича, ўз ёшига кўра Ито аллақачон босимни енгишга имкон берадиган катта тажрибага эга. Ўтган мавсумда Ито барча турнирларда 29 та ўйин ўтказиб, 2 та голли узатмани амалга оширган.
