Нидерландия терма жамоаси ҳимоячиси Дейли Блинд жамоасининг Евро-2024даги очилиш ўйини арафасида Нидерландиянинг ҳимоя чизиғи ҳақида гапирди.

"Европада ҳимоячиларимиз ўйнаётган клубларга назар ташласангиз, ҳаттоки, бизда Европадаги энг яхши ҳимоя чизиғи бор, дейишингиз мумкин. Унинг бир қисми бўлиш ва бошқа йигитлардан муайян вазиятда қандай ҳаракат қилишни ўрганиш жуда ёқимли", - деди ҳимоячи Польша билан ўйин олдидан.

Эслатиб ўтамиз, Нидерландия ва Польша 16 июнь куни ўйнайди, ўйин Тошкент вақти билан соат 18:00да бошланади.

Блинд - "Жирона" футболчиси. 2023/2024 йилги мавсумда 35 та расмий ўйинда ҳимоячи 3 та гол урди ва иккита голли узатмани амалга оширди.