«Персеполис» ва Эрон терма жамоаси дарвозабони Алиризо Бейраванд ёзги трансфер ойнасида Москванинг «Спартак» клубига ўтишдан бош тортди.

«Бейраванд «Спартак»га ўтишдан бош тортди - у Россияга кўчиб ўтмоқчи эмас. Унинг «Персеполис» билан бир йиллик шартномаси бор ва унда товон пули банди йўқ. Алиризо чемпион бўлди ва шартномаси охиригача клубда қолади. У шартномани якунлаганидан кейин Россияга кўчиб ўтиш вариантини кўриб чиқадими ёки йўқми, номаълум», — дея агент Кова Тилавпур сўзларидан иқтибос келтирган "СЭ".

Эслатиб ўтамиз, 31 ёшли Алиризо Бейраванд Эрон терма жамоаси сафида 72 та ўйин ўтказган. "Transfermarkt" портали футболчининг нархини 1,2 миллион еврога баҳоламоқда.