Суперлига 11-туридан ўрин олган "Қизилқум" – "Андижон" (3:3) учрашувидан сўнг мезбонлар мураббийи Жамшид Саидов матбуот анжуманида иштирок этди.

"Андижон" қандай ўйин намойиш этишини билар эдик. Афсуски, 10 киши бўлиб қолган рақибни енга олмадик. 3 та қарши ҳужумни ўтказиб юбордик. "Андижон"нинг захира ўриндиғидан учрашувга қўшилганлар бизникидан фарқли ўлароқ, ўйинни кучайтириб берди. Бугун, бизни қўллаб-қувватлаш учун келган мухлисларни ишончини оқлай олмадик. Ҳеч нарса дея олмайман. Жуда алам қилди.

Ҳали ҳамма нарса бой берилгани йўқ. Олдинда ўйинлар кўп. Бу масалани клуб раҳбарияти ҳал қилади. Чемпионатдаги барча жамоалар охиригача жанг қилмоқда. Ўйинлар қандай оғир ўтаётганини ўзингиз кўриб турибсиз. Шу сабабли, бу масалада бошқа ҳеч нарса дея олмайман.

Барчасини вақт кўрсатади. Раҳбарият трансфер тақиқи муаммосини бартараф этади, деган умиддаман. Ҳали вақт етарли. Катта эҳтимол билан, ҳаммасини ҳал қиламиз.

Шаҳбоз Жўрабеков мавсум бошида жуда яхши таассурот қолдираётган эди, аммо охирги ўйинларда... Мен ҳам буни тушуна олмаяпман. Бугун ҳам захирадан ўйинга қўшилиб, темпни ошириб бера олмади. Ваҳоланки, рақиб 10 киши бўлиб қолган эди. Хатолар кетма-кетлиги сабабли 3 та қарши ҳужумни ўтказиб юбордик.

Ҳар қандай холатда ҳаммаси яхши бўлса янги трансферларни амалга оширамиз. Кимлар биландир хайрлашамиз. Бизга янги қон керак. Трансфер ойнаси очилиши билан таркибни кучайтирамиз. Бу нормал холат. Барча жамоалар сингари биз ҳам фаол бўлишга интиламиз", — деди Саидов.