Франция терма жамоаси бош мураббийи Дидье Дешам Австрия билан 2024 йилги Европа чемпионати гуруҳ босқичи 1-тур учрашуви (1:0) вақтида ҳужумчи Килиан Мбаппенинг бурни шикастлангани ҳақида гапирди.
"У ўзини яхши ҳис қилмаяпти, аҳволи ёмон. У тиббиёт ходимларининг қўлида. Мен сизга кўпроқ гапира олмайман. Унинг бурни шикастланган, бу аниқ. Бу биз учун бу оқшомнинг салбий томони. Қарорлар қабул қилинади. Мен уни массаж столида ётганини кўрдим. У диққат марказида, бу нормал ҳолат. Биз сизга барча маълумотларни имкон қадар тезроқ тақдим этамиз", - дея Дешам сўзларини келтиради L'Equipe.
Ўйиннинг 86-дақиқасида австриялик ҳимоячи Кевин Дансо билан тўқнашувда Мбаппенинг бурни синди. Шундан сўнг форвард алмаштирилди ва кейинчалик касалхонага ётқизилди.
