"Зенит" ва бошқа бир қатор клубларда ишлаган руминиялик мутахассис Мирча Луческу Евро-2024 стартида Руминиянинг Украина устидан қозонган йирик ғалабасига муносабат билдирди.
Эслатиб ўтамиз, унинг мамлакати жамоаси рақибини 3:0 ҳисобида мағлуб этганди.
"Бу ғалаба шу ерда тўхтаб қолишни англатмаслиги керак, балки кейинги ўйинда ҳаракатларингизни икки баравар ошириш учун ажойиб имконият.
Бизни Бельгияга қарши жуда қийин ўйин кутиб турибди. Бугунги ўйинимиз ҳар қандай жамоага қарши ўйнай олишимизни кўрсатди. Бу сенсацион муҳит эди.
Ҳаммани сариқ рангда кўрдим, бир-бирини қўллаб-қувватлаган жамоани кўрдим. Улар қувноқ эдилар, улар ўз жамоасини қўллаб-қувватладилар.
Биз индивидуал дуелларда кўпроқ тажовузкор, мотивацияга тўла эдик. Биз ҳамма нарсада улардан устун эдик ва ғалабага ҳақли эдик.
Луниннинг хатоси? Ҳар бир ўйиннинг ўз тарихи бор. Бугун эса бунга Украина ҳимоясидаги жуда катта хато сабаб бўлди", - дея Луческунинг сўзларини келтиради PlaySport.