Матс Хуммельс фаолиятини Испанияда давом эттириши мумкин.
"Мальорка" 35 ёшли ҳимоячини чиндан ҳам ўз сафига қўшиб олмоқчи, дея хабар беради Sky Sport. Клуб унга йилига 3 миллион еврога яқин маош билан шартнома таклиф қилиши мумкин.
Қайд этилишича, томонлар ҳалигача келишувни якунлашдан йироқ — ҳали мазмунли музокаралар бўлмаган.
Футболчининг ўзи Испания чемпионатига ўтишдан манфаатдор, унинг учун асосий нарса молиявий жиҳат эмас. Матснинг Мальорка шахрида мулки бор ва баъзида бўш вақтини у ерда ўтказади.
Хуммельс 14 июнь куни “Боруссия Дортмунд”ни эркин агент сифатида тарк этди.
